ERRAUSKETAREN aurkako mugimenduak manifestazio haundia deitu du datorren otsailaren 24rako, 17:30etan, Donostiako Gipuzkoa Plazatik abiatuta. Erraustegia gelditu, birziklapena sustatu lemapean. Atzo, Donostiako udaletxeko prentsa aretoan aurkeztu zuten manifestazioa.
Prentsaurrekoan zabor poltsa eta hondakinekin mozorroturik agertu ziren kideak eta umorez adierazi zuten Ola-no eta Asen-si bereiztu behar diren hondakinak. «Badakigu %80ko birziklatze tasa lortzea posible dela, horretarako bitartekoak jarri eta borondatea izanez gero».