Bi tailer antolatu dituzte otsailerako, Jakin+ programaren barruan. Emozioen kudeaketa lantzekoak, joan den astean izan zuen aurreneko saioa, eta asteartean egingo dute bigarrena, 16:00etatik 18:00etara, kultur etxean. Ainhoa Urretagoienak eskainiko du.
Eta hurrengo bi asteotan, literatura eta irakurketei buruz ariko da Cecilia Blanco Muñiz soziologo eta idazlea, hilaren 20 eta 27an, ordutegi berean kultur etxean: «zer ikas dezakegu literaturatik gure eguneroko bizitzarako? Inspirazio, sormen eta emakumeen ikuspegi kritikotik begirada bat. Batzen gaituena elkarbanatuz eta alor soziala eta indibidualaren artean sortutako mugetatik haratago begirada zabalduz».
Tailerretan parte hartzea doakoa da, baina izena eman behar da: berdintasuna@astigarraga.eus. Gaztelaniaz izango dira saioak.