Festa koloretsuenak hemen dira

Inauteriak iritsi dira, jantzi mozorroak eta irten kalera! Hori da egin daitekeen go­men­diorik hoberena festaz gozatzeko. Hernanin ere inau­­teriek beti izan dute oihar­­tzu­na. Azeri Dantzaren sorlekua izan baitzen esa­terako. San Joan Konpartsak ere festa hauek izan zituen sorgune. Eta lehenenego egunean gaz­te­ak eta haurrak izaten dira pro­ta­go­nista nagusiak. 
Arra­tsaldeko 15:15­e­tan izan­­­­­­go da eki­tal­di nagu­sia, Pla­­zan. Pre­go­ia irakurriko du­te, suzi­riak botako dituzte, eta on­doren, kale buelta emango dute, txa­rangaren atzean dan­tzatuz eta saltoka. Horrekin lehertuko dira ina­uteriak Her­na­nin, eta bereziki presta­tutako ekintzei emango zaie ongietorria.

Musika protagonista, arratsaldean
Arratsaldeko 17:00etan atera­ko da, Kris­kitiña dantza tal­de­ko Erral­doi eta Buru­haun­dien konpartsa, Hernani Musika Es­kola Publikoko dultza­ine­roen musikaren erritmoa ja­rra­ituz. Jarraian, 17:30etan, ha­siko da haurrentzat, Txa­pela buruan eta ibili munduan, Pla­za Berrin.
Aurten Broken Brothers Band taldeak girotuko du Kaxkoa arratsaldean.
Musika Bandaren kontzer­tua izango da Biterin, ilun­tzeko 20:00etan, eta aurten auke­ratutako gaia Animaliak dira.   
Ordu berean kirolak bere lekua izango du inau­te­rietan. 20:00etan esku pelota parti­duak antolatu dira, frontoian.

Aurten ere balkoi lehiaketa, Berriak Elkarteak
Beste behin, Balkoi Lehiaketa antolatu du Berriak Elkarteak, 2018ko balkoi hoberena auke­ratzeko. Aste honetako inau­teriei begira herriari, eta batez ere Kaxkoari, kolorea eta bizitasuna ematea izango da helburu nagusia. Horretarako, azaldu dute denak balio duela: globoak jartzea, telak, ban­derak, girnaldak... Otsai­laren 15ean jakinaraziko dute ira­bazlearen izena, 100 euroko erosketa balea eskuratuko duena, Berriakeko dendetan erabiltzeko.

INAUTERIETAKO EGITARAUA

OTSAILAK 9, Gaur
15:15, Jaien hasiera Plazan. Jarraian, eskolako umeak irtengo dira txarangarekin.
17:00, Erraldoi eta buruhaundiak. Antolatzailea: Kriskitiña dantza taldea eta ‘Hernani’ Musika Eskola Publikoko dultzaineroak.
17:30, Haurrentzat Txapela buruan eta ibili munduan, Plaza Berrin.
19:00, Broken Brothers Brass Band erdialdean.
20:00, Le Carnaval des Animaux Hernaniko Musika Bandaren Kontzertua Biterin. 
20:00, Afizionatu kategoriako pilota partidak kiroldegian.

OTSAILAK 10, larunbata
10:00, Azeri dantza.
11:30, Inauterietako txaranga.
11:30, Haurrentzat poniak eta zezen txikiak Latsunbeberri auzoan.
12:00, Erromeria Jeiki Hadi taldearekin. Antolatzailea: San Joan Konpartsa.
13:00, Erraldoiak eta buruhaundiak. Antolatzailea: Kriskitiña dantza taldea.
17:30, Haurrentzat Zirika Zirkus taldearen Txarlestrup ikuskizuna Milagrosan.
18:30, Inauterietako txaranga.
18:30, Dantza festa gaztetxoentzat, Iñigo Etxenike DJarekin, Atsegindegin.
18:30, Erromeria Baztandarrak taldearekin. Antolatzailea: San Joan Konpartsa.
22:30, Iñigo Etxenike DJ-a Atsegindegin.
00:00, Incansables txaranga.

OTSAILAK 11, igandea
11:30, Inauterietako txaranga.
12:00, Konpartsen irteera Urbieta kaletik: Ttarla dantza taldea eta Inmakulada ikastetxea.
18:30, Inauterietako txaranga.
19:30, ‘Hernani’ Musika Eskola Publikoko trikitilariak.
19:30, Kale antzerkia. Vintage Brothers Circo taldearekin Tilosetan. Eguraldi txarra eginez gero, Atsegindegin.

OTSAILAK 12, astelehena
09:00, Diana. ‘Hernani’ Musika Eskola Publikoa.
10:00, Azeri dantza gaztetxoentzat.
11:30, Haurrentzat poniak eta zezen txikiak, Latsunbeberri auzoan.
12:00, Kulki haur jolasak, Atsegindegin.
16:00, Erraldoi eta buruhaundiak. Kriskitiña dantza taldea eta ‘Hernani’ Musika Eskola Publikoko dultzaineroak.
17:00, Gaztetxoentzako puzgarriak, Atsegindegin. 8 urtetik gora.

OTSAILAK 13, asteartea
18:30, Sardinaren ehorzketa.