Hernaniko Musika Bandak pasa den igandean kontzertua eman zuen Milagrosan eta bigarren bat, Inauterietako kontzertua, ostiralean, etzi eskainiko du. Iluntzeko 20:00etatik aurrera izango da, berritu berria den Biteriko areto nagusian. Aurtengo gaia animaliak izango dira. Urtero oholtzaratzen dute sorpresatxoren bat, eta aurtengoan, bi izango dira.
Batetik, oinarri musikala izango duen Bremengo Musikariak ipuin musikatua. Eta bestetik, Tinolyn Martin’s Nebraskako abeslariaren bisita izango du. Euskal Herrian eskainiko duen kontzertu bakarrean, Lehoi erregearen bertsio pertsonala eskainiko du.
Aurtengo gai nagusia animaliak izango dira eta ‘Bremengo Musikariak’ ipuin musikatua ere entzungo da.
Bremengo Musikariak narratzaile batekin aurkeztuko da, bandak oinarri musikala ematen dion bitartean. Tinolyn Martin´s ospe haundiko abeslaria da eta bere arrakasta ikusirik, espreski eskatzen diote publikoari denboraz azaltzeko kontzertura. Izan ere, butaken kopurua mugatua da eta ezin izango dute eskaera guztien esertokia bermatu. Eskainiko duen kontzertu bakar honen ostean, Estatu Batuetara bueltatuko da.
Biterin entzungo dira baita ere; Out of Africa, The Baby Elephant eta The carnaval of the animals.