hezkuntzaz haratago dijoan gaia izango dute hizketagai otsaileko Hezkuntza Eskolan; Hirigintza Barneratzaileaz arituko dira, arratsaldeko 19:00etatik aurrera, bihar, udaletxeko Areto Nagusian. «Egin ditzagun pertsonen neurri eta beharretara egokitutako hiriak, pertsonak baitira hiria egiten dutenak», aldarrikatu dute. Bertan galdera desberdinak erantzuten saiatuko dira: «Nork egiten ditu hiriak? Norentzat? Posible al da neutrotasunaren bitartez bidezkoa izatea? Espazio publikoa erabiltzerakoan gauza bera ote da gizon gaztea, bere kargura inor ez duena eta desgaitasunik gabea izatea, edo emakume adindua, pentsio eskasa duena, igogailu gabeko etxean bakarrik bizi dena?».
«Baldintzak sortu behar dira hiriak pertsonen beharretara egokitzeko»
Bertan azalduko da hiriek nolakoa izan behar duten, bizitza errazteko biztanleei. «Hirigintzak gure eguneroko bizitzaren eszenatokiak eraikitzeko xedea duen unetik, bizitza osoagoa eramateko baldintzak sortu behar ditu, bizitzaren aniztasuna eta konplexutasuna kontuan hartuz».
Horrexegatik antolatzaileen esanetan «egin ditzagun pertsonen neurri eta beharretara egokitutako hiriak, pertsonak baitira hiria egiten dutenak».