«Hezkuntza izan zen, batzarrean kezka gehien piztu zuen gaia»

Aurreko asteartean, batzar ire­kia deitu zuen Astigarragako EH Bilduk, eta bertan hitz egin­dakoaren berri eman du, pren­tsa ohar baten bitartez.
30 herritar inguruk hartu zuten parte batzarrean, eta na­barmendu dutenez, «hiru gai nagusi» jarri zituzten mahai gainean: hezkuntza, honda­ki­nak eta mugikortasuna. «Hala ere, hezkuntza izan zen kezka gehien piztu zuen gaia», azpi­marratu du EH Bilduk. Zentzu horretan, Haurreskola, esko­la­ren haundipena eta DBH izan ziren jorratutako gaiak: «kez­ka eta harridura piztu zuen, bi urte eta erdiren ondoren, Uda­lak hauek bideratzeko eman­dako urrats exkaxak. Gainera, gogor kritikatu zen, etxe­bi­zi­tzak azkar egiteko arazorik ez dagoen bitartean, populazio haunditze horri behar beza­la­ko zerbitzu publikoak eskain­tzeko ekimenak martxan jarri ez izana. Horregatik, berebi­zi­ko garrantzia eman zioten, EH Bilduko udal taldeak lanean ja­rraitzeari, hezkuntzan behar bezalako azpiegitura eta zerbi­tzuak izateko».
Hondakinei dagokienean, «Udalaren axolagabekeria» sa­latu zuten, «herria gero eta zi­ki­nago egon arren, neurririk har­tzen ez duelako». Eta lepo­ratu zieten, Astigarraga garbia leloa azkar ahaztu izana. «Gai­nera, gogor salatu zen, auzo­kon­posta guneen mantenua bertan behera utzi nahi iza­tea», azaldu du EH Bilduk.
Bestetik, autobus zerbi­tzu­a­ren murriz­ketak onartezinak direla berretsi zuten, eta Asti­ga­rraga eta 27 poligonoa lo­tu­ko dituen errepidearen harira, «aipatu zen Astigarra­gako al­ka­teak gehiago dirudiela Do­nostiak Astigarragan daukan ordezkaria».
Azkenik, 2019ko udal hau­tes­kundeei begira, «lanean has­­teko premia azaleratu, eta ja­kinarazi zen hemendik aurre­ra ekimen mai­la areagotu eta hau­tes­kun­­deak presta­tze­ko di­na­­mi­ka abian jarriko dela».