‘Emozioz blai!’ datoz inauteriak!

Mozorroz beteko dute kirol­degia aurten ere, ostiral arga­larekin, Astigarragako Herri Eskolako ikasleek. Gela bakoi­tzeko ikasleak dagokien mozo­rroaren paperean sartu, eta dan­tza eta antzerki saioak es­kainiko dituzte. Etzi arratsal­de­ko 14:30etan izan­go da hori, Emozioz blai! ema­nal­dia­rekin.
Baina ikasleek bakarrik ez, bisitari berezi batek ere gozatu nahi ditu inauteriak: «eltzetxo bat agertu da gure eskolan egu­notan. Urrutiko planeta batean bizi omen da, eta han ez dago festarik. Horregatik, Eltzetxok gure inau­teri festa ezagutu nahi du», azaldu dute ikasto­la­tik. Teilatutik zintilik dago, soka batekin, lo seko; eta egu­nero kantatzen diote, esna­tze­ko:

«Aizu, Eltzetxo txo txo
zer dezu barruan an an
hor gaizki zaude e e
gure teilatuan an an
etorri behera ra ra
opari moduan an an
ta ikusiko degu gu gu
zer dezun barruan an an!»

Jolas garaian kantatzen di­o­te, «eta zenbat eta gogo, irrika eta kemen gehiagorekin abes­tu, orduan eta gehiago jaisten da Eltzetxo. Inau­teri egunean guregana iristea lortuko dugu elkarrekin abestuz, eta ordu­an, barruan zein sorpresa daka­rren jakingo dugu!». Inauteriak bukatzean, bere planetara buel­tatuko da Eltzetxo: «ea dato­rren urtean, berriro gurekin den...».

Asteburuan jarraipena, inauterien festak
Ostiralean hasitako festak, segida izango du asteburuan. Larunbat arratsaldean, zita jarri dute Joseba Barandiaran plazan; eguraldi txarra egiten badu, Txomiñene frontoian. Arratsaldeko 16:30etan, aurre­na, mozorroei azkeneko uki­tu­ak emango dizkiete, haurren­tzako makilatze eta orrazketa tailerrarekin. Ondoren, disko festa izango du­te bertan, Julen Ibarrola DJaren eskutik, arra­tsaldeko 17:00etan. Eta sa­ioa bukatzean, txa­ranga aterako da 19:30etan, giroa jartzera.
Igandean, berriz, Euskal Ina­ute­ri­en txanda izango da. Goizeko 11:30etan abiatuko di­ra, Ergo­bia­tik, Astigar tal­de­ko dan­tza­riak eta Txirrisklako txis­­tulariak; eta erdigu­ne­ra bide­an, Goizuetako Zaha­gi Dan­tza, Oriako Sorgin Dan­tza, eta Lan­tzeko inauteriko dan­tzak eskai­niko dituzte. Joseba Baran­dia­ran plazan bukatuko dute, eguerdiko 13:30ak aldera, eta bertan, plaza dantza saio irekia izango da. Eguraldi txarra ba­da, ez dute ibilbidea osa­tu­ko; 12:00etan hasita, dantza saioa eskainiko dute,  Txomiñenen.

Kaldereroek, bukaera
Eta ohitura den bezala, kalde­re­roek iragarriko dute inau­te­rien bukaera. Otsailaren 17an aterako dira, 17:30etan Ergo­bia­­tik ka­lejiran abiatuta (ordua aldatu dute), Joseba Ba­ran­dia­ran plazara bidean.
Bukatzeko, afaria egingo dute, Zipotza elkartean, eta txartelak salgai daude, elkar­tean bertan.