Asteburu ona izan dute C.D. Hernaniko pelotariek jokatu dituzten txapelketa desberdinetan zehar. Guztira 13 partidu irabazi eta bederatzi galdu dituzte. Emaitzarik esanguratsuena Arrietak lortu zuen Malaerrekako torneoan. Gorriti nafarrarekin batera finalerdiak irabazi zituzten, 22-15, Zubiria eta Altunaren kontra. Finala otsailaren 24an jokatuko dute.
Garrantzitsua izan zen baita Ojuel eta Lizeagaren garaipena, Euskal Herriko Txapelketan. 8an utzi zituzten Kina-Garmendia bikotea eta txapelketa nagusi honetako finalerdietara sartu dira.
Txintxurreta-Iturbe alebinak; eta Jara-Etxarri, Arluziaga-Martin eta Manterola-Deskarga infantilak partidurik galdu gabe jarraitzen dute Gipuzkoako Errendimenduko Txapelketan.
Balantzaren beste aldean Urkizu eta Labaka nagusien porrota jarri behar da. Euskal Herriko Txapelketan 22-11 galdu zuten Barbarejo eta Telletxearen kontra eta oraindik ez dute garaipenik lortu.
Urra-Larrañaga jubenilek ere galdu egin zuten, 22-16, Udaberri torneoan, Lapke taldeko bikotearen aurka. Txapelketan galdu duten lehen partidua izan da.