Iragarleen doinuei segika, badatoz inauteriak!

Eguraldiari kasurik egin ga­be, aterkipean abiatu ziren Kal­dereroak larunbat gauean Elur Txori elkarteko ataritik. Ohi bezala, Oarso kalean abes­tu, Sandiusterrin gero, eta ater­­tzea lortu zuten Hunga­riatik espresuki etorritako la­gunek: «orain Plazara joango gara, eta gero, ikusiko dugu», jakinarazi zuen Josu Lopezek mikrofo­notik. Esan eta egin. Inauteriak badatozela iragarri nahi zuten, eta horrek irri­parreak, alai­ta­suna eta mozo­rroak eskatzen zituen; haiek hasi baitziren, aur­tengo inaute­riei erritmo pixka bat jartzen. 
Erritmo horri jarraitu zion atzo Musika Bandarenak. Tolo­sako inauterietako doinuak oina­rri hartuta, hurrengo aste­an datorrena iragarri zu­en: festa, mozorroak eta giro ona!

Ostiralean hasiko da ofizialki festa, arratsaldeko 15:15etan, Plazan.

Ostiraletik festa besterik ez
Hala izango da, hain zuzen, ostiraletik aurrera. Herriko txikienen eskutik, ostiralean, arratsaldeko 15:15etan izango da jaiaren hasiera Plazan. Eta hortik aurrera, etenik gabe izango da festa astearteko sardina­ren ehorzketara arte: hau­rren­tzat ikuskizunak, txa­ran­gak, jolasak, azeri dantza... dene­tarik izango da, mozo­rroen osagarri gisa.

Balkoiak apaintzeko deia
Mozorroez aparte, herria giro­tzeko deia ere egin du Berriak Elkarteak, balkoi lehi­a­­­ketare­kin. Helburua da Kax­koa alai­tzea eta kolorez bete­tzea, eta ho­rre­tarako, de­nak ba­lio duela di­o­te. Inau­teriak buka­tzean, hi­la­ren 15ean banatuko du­te sa­ria: 100 euro­ko bonoa ja­so­ko du Be­rri­akeko dendetan erabiltzeko.

INAUTERIETAKO EGITARAUA

OTSAILAK 9, ostirala
15:15, Jaien hasiera Plazan. Jarraian, eskolako umeak irtengo dira txarangarekin.
17:00, Erraldoi eta buruhaundiak. Antolatzailea: Kriskitiña dantza taldea eta ‘Hernani’ Musika Eskola Publikoko dultzaineroak.
17:30, Haurrentzat Txapela buruan eta ibili munduan Eidaberen ikuskizuna, Plaza Berrin.
19:00, Broken Brothers Brass Band erdialdean.
20:00, Le Carnaval des Animaux. Hernaniko Musika Bandaren kon­tzertua Biteri kultur etxean.
20:00, Afizionatu kategoriako pelota partiduak kiroldegian. 

OTSAILAK 10, larunbata
10:00, Azeri dantza.
11:30, Inauterietako txaranga.
11:30, Haurrentzat poniak eta zezen txikiak Latsunbeberri auzoan.
12:00, Erromeria Jeiki Hadi taldearekin. Antolatzailea: San Joan Konpartsa.
13:00, Erraldoiak eta buruhaundiak. Antolatzailea: Kriskitiña dantza taldea.
17:30, Haurrentzat Zirika Zirkus taldearen Txarlestrup ikuskizuna, Milagrosan.
18:30, Inauterietako txaranga.
18:30, Dantza festa gaztetxoentzat, Iñigo Etxenike DJarekin, Atsegindegin.
18:30, Erromeria Baztandarrak taldearekin. Antolatzailea: San Joan Konpartsa.
00:00, Incansables txaranga.

OTSAILAK 11, igandea
11:30, Inauterietako txaranga.
12:00, Konpartsen irteera Urbieta kaletik: Ttarla dantza taldea eta Inmakulada ikastetxea.
18:30, Inauterietako txaranga.
19:30, ‘Hernani’ Musika Eskola Publikoko trikitilariak.
19:30, Vintage Brothers ikuskizuna, Circo Los taldearekin Tilosetan. Eguraldi txarra eginez gero, Atsegindegin.

OTSAILAK 12, astelehena
09:00, Diana. ‘Hernani’ Musika Eskola Publikoa.
10:00, Azeri dantza gaztetxoentzat.
11:30, Haurrentzat poniak eta zezen txikiak, Latsunbeberri auzoan.
12:00, Kulki haur jolasak, Atsegindegin.
16:00, Erraldoi eta buruhaundiak. Kriskitiña dantza taldea eta ‘Hernani’ Musika Eskola Publikoko dultzaineroak.
17:00, Gaztetxoentzako puzgarriak, Atsegindegin. 8 urtetik gora.

OTSAILAK 13, asteartea
18:30, Sardinaren ehorzketa.