Hutsik geratu da Goizuetan, bake epaile titularraren kargua. Eta hori horrela, deialdi publikoa zabaldu du Udalak, kargua betetzeko. Deialdia urtarrilaren 30ean argitaratu zen Nafarroako Aldizkari Ofizialean, asteartean; eta hurrengo egunetik hasita, 15 egun balioduneko epea daukate interesatuek, eskaerak aurkezteko. Udalaren bulegoetan aurkeztu behar dituzte eskaerak, aukeratuak izan nahi dutenek; beti ere, legeak agintzen dituen baldintzak badituzte.