Datorren asteartean, otsailaren 6an, eginen du urteko aurreneko bilera, Goizuetako Jai Batzordeak. Arratsaldeko 17:30etan izanen da, udaletxean, eta fiestetarako ideiak jasotzea da asmoa: ekitaldi proposamenak.
«Abuztua han dago, baina gu hemen gaude, aurtengo fiestak antolatzen hasteko. Zein ekitaldi da beste nonbait ikusi duzuna, eta Goizuetan ere ikustea gustatuko litzaizukeena? Ekarri zure proposamenak mahaira!», animatu dituzte herritarrak. Nahi duten guztientzat irekia izanen da.