Ohitura den bezala, santa eskean aterako dira Ohitura Zaharrak abesbatzako kideak, Santa Ageda bezperan. Bihar izango da hori, eta horretarako, Milagrosa parean jarri dute zita, arratsaldeko 18:00etan.
Zaharren egoitzara, aurrena
Milagrosatik abiatuta, Sandiusterriko Zaharren Egoitza izango da Ohitura Zaharrak abesbatzaren aurreneko geltokia. Bertan bizi direnen eguna alaitzea izango dute helburu, urtero bezala.
Handik, oleska jarraituko dute beren ibilbidea: Elur Txori elkartera joango dira; gero, Plazatik Andre Kalera joango dira, Zinkoenearaino, eta Kale Nagusitik igoko dira, ondoren, Txantxangorrin meriendatzeko. Plazarantz abiatuko dira berriro ere, eta Peña Otaño elkartean eta Xalaparta elkartean egon ondoren, Plazan bukatuko dute ibilbidea, gau erdia ate joka daukatenean.