Inauterietarako ideiak biltzen ari direnei edo mozorro original baten bila edo merke baten bila dabiltzatenei zuzendu zaie oraingo honetan Bigarren Eskuko Azoka. Horientzako, hain zuzen, edizio bereziena antolatu dute, inauterien gaiari zuzen zuzenean eskainiko zaiona. Goizeko 10:30etatik 13:30etara izango da, Atsegindegin.
Funtzionamendua ere, berezia
Bertan, aukera ezin hobea izango dute bai inauterietako mozorro edo konplementuak saldu edo trukatu nahi dituztenek, baita erosi nahi dituztenek ere.
Horretarako, postua jartzeaz gain, gordailu-salmenta zerbitzua ere eskainiko dute. Goizeko 09:00etatik 10:30etara utzi beharko dira bertan saldu nahi direnak, garbi eta egoera onean.
Norberak jarriko du prezioa, eta antolatzaileak arduratuko dira bertara iristen dena saltzeaz. Azoka bukatzean, 13:30ak aldera, pasa beharko da dirua edo saldu ez dena jasotzera.