Martxoaren 6ra arte, irekita dago epea, Astiko, Astigarragako Merkatarien Elkarteak martxan jarri duen kanpainan parte hartzeko. Irabazleak, 50 euroko saria lortuko du.
Kupelarekin, argazkiak
Herrian sagardotegi denboraldiak daukan garrantzia ikusita, Astiko elkarteak ere bere kupela aurkeztu du, elkartea osatzen duten komertzioetan jarritako karteletan.
Hain zuzen, kanpainan parte hartzeko, kartel horiekin eta dendaren izenarekin argazkia atera behar du norberak, eta Astikoren facebook orrialdean agertzen den loturaren bidez, igo. Era berean, facebook orrialdeari ere Atsegin dut eman.
Martxoaren 6ra arte hartu daiteke parte, eta bozkatzeko epea zabalduko da gero. Martxoaren 21ean jakinaraziko da nok jasoko dituen Astikoko dendetan gastatzeko 10 euroko bost bale.