Buru gaixotasunak dituztenen lan aukerak, hizpide

Buru gaixotasuna duten per­tso­nentzako lan aukerak sor­tzea izango dute helburu gaur Galarretako Orona Ideo erai­kinean, hainbat enpresa, era­kunde eta elkartek.
AGIFES elkarteak anto­la­tuta elkartuko dira euskal era­kunde, enpresa eta elkar­tee­tako ordezkariak, Buru Osasu­na. Enplegarritasuna erronka na­gusi jardunaldiaren baitan. Goizeko 09:30etatik eguerdiko 14:00etara luzatuko da. 

Erakunde publikoek, irekiera
Hain zuzen, erakunde publi­ko­e­tako ordezkariek irekiko dute jardunaldia, 10:00etan. Al­de batetik, Eusko Jaurlari­tza­ko En­plegu eta Gizarte Po­litike­ta­ko sailburu Beatriz Ar­tolazabal izango da bertan, eta bestetik, Gipuzkoako Foru Al­dundiko Gizarte Politiketako di­putatu Maite Peña.
Ondoren, Ruth Encinasek, AGIFESeko gerenteak, datuak eskainiko ditu. ASAFES eta GUREAKen esperientziak ere entzun ahal izango dira, baita denen artean hausnartu ere. 

EGITARAUA
 09:30, Akreditazioak
 10:00, Inaugurazioa eta aurkezpena.
 10:15, Sarrera: buru gaixotasunari, enplegua eta laneratzeari buruzko datuak. Ruth Encinas.
 10:25, ASAFESen Pila programa.
 10:50, GUREAK: laneratze prozesu arrakastatsuaren adibidea.
 12:00, Bideo-proiekzioa.
 12:05, Dinamika: Networking saioa.
 12:45, Ondorioak.
 13:15, Luntxa.