Murgia Jauregiko aretoa beteta, paisaiaren inguruan hausnartzeko

Joan den ostiralean egin zuten aurreneko jardunaldia, paisa­ia­ri buruz hausnartzeko: Pai­saia eta Lurraldea, hausnar­ke­ta bat plangintzaren eskutik.
Toki askotatik etorritako do­zena bat hizlarik hartu zuten parte bertan: arkitektoek, geo­grafoek, ingeniariek, ingu­ru­men zientzietan adituek... Eta haien esanak entzutera gertu­ratu ziren lagun asko.
«Arrakasta haundia izan du jardunaldiak, eta 60 la­gu­nentzako tokia aurreikusi ba­genuen ere, 72 lagunera zabal­du behar izan dugu», azaldu zuen Zorione Etxezarraga alka­teak. Eta nabarmendu zuen: «gure estrategia da, paisaia ulertzea gure herriaren osa­su­naren adierazle gisa».
Itxaro Latasa geografoak, bere aldetik, nabarmendu zuen «gai inportantea» bilakatu dela paisaiarena, «ikusi dela­ko bizi kalitatearen elementu garrantzitsua dela. Astigarraga toki aparta da, kulturalki eta paisaiaren aldetik. Balio, aniz­tasun eta edertasun haun­diko espazioa», nabarmendu zuen.
Azkenik, Antonio Serranok, Fundicot elkarte antolatzaileko lehenda­kariak, adierazi zuen pai­saiarekiko kezkak «bolun­tariotza hutsa baino gehiago» eskatzen duela, «arauetan ere egon behar du».