Gaurtik hasten dira aurrematrikulazioak

Gurasoak  ikasturteko garai­rik garrantzitsenetakoan sar­tuko dira gaurtik eta hamabi egunetan. Aurrerantzean bere seme ala­ben ikas­tetxea zein izango den erabaki behar­ko dute. Horrela bada, gaur­tik hasita egin ahal izan­go dute aurrema­triku­la­zioa, Eus­kal Autonomia Erkidegoko haur eta gazteak, eta beraz, Her­naniko eta Ereñotzuko ikas­­le berriek.
Aurrematrikularako azke­ne­ko eguna, otsailaren 9a izango da. Nahiz eta aurre­matrikulazioa haur hezkun­tza­tik hasi eta bigarren hez­kun­­tzara luzatzen den, aurre­neko aldiz matriku­latzen dire­nei dei berezia egiten diete. Horiek dira, aurten, 2016. urtean jaiotako haurrak.
Hernani eta Ereñotzuren artean, 178 haur daude deituta Haur Hezkuntzako aurreneko mailan izena ematera.

Bigarren Hezkuntzan, ­batez ere 2006an jaiotako ­gazte­txoak
Bigarren Hezkuntzaren kasu­an, Urumealdeko herri baka­rrak dauka eskaintza propioa he­rrian bertan: Inma­kulada ikastetxean edo Hernani BHIn bu­rutu daitezke ikasketa ha­u­ek; 16 urtera artekoa, lehenen­goan, eta 18ra artekoa, biga­rren­goan. Bertan aurrema­tri­kulatzera dau­de deituta, batez ere, 2006an jaiotako gaztetxo hernaniarrak; 193 dira.

Lau ikastetxe Lehen Hezkuntzan eta bi Bigarren Hezkuntzan
Hernanin, lau ikaste­txe dau­de aukeran, Haur eta Lehen Hezkuntzan; eta bi, ordea, Bigarren Hezkuntzan. Aurre­neko bostak dira: Elizatxo (427 ikaslerekin); Inmakulada; Lan­gile (710 ikasle dituena); eta Urumea (425 ikaslerekin). Eta beste biak, Hernani BHI Ins­ti­tutua, 824 ikasle ditu 12 eta 18 urte bitartekoak, eta In­ma­kulada ikastetxea, 250 ikas­leko zentroa kontzertatua dena.
Ereñotzun ere bada aukera, eskola txikia delakoa dena; Txirrita Eskola publikoak, 73 ikasle ditu egun, eta proiektu berezia dauka

Bilera informatiboak, gaur Langilen eta bihar Elizatxon
Langile eta Elizatxo ikastolek bilera informatiboak antolatu dituzte, gaur eta bihar. Gaur 17:00etan eta 18:00etan egingo dira Lau­bi­detan Langile ikastolako bile­rak, eta bihar 16:45etan Eliza­txon. Azken honetan bigarren­go bi­lera bat ere egingo da otsai­laren 6an.

Herrian ikasteak, balio erantsia
Eskolen aurkezpena eta es­kain­­tzarena egitean, herrian bertan ikasteak daukan ga­rran­tzia eta horrek ematen duen balio eran­tsia alda­rri­ka­tzen dute hezkuntzako era­gileek eta baita insti­tuzioek ere.

 

ESKAINTZA, BAILARAN

Astigarraga
- Astigarragako Herri Eskola. Haur eta Lehen Hezkuntza. 527 ikasle aurten.
Telf.: 943 55 12 62.

Hernani
- Elizatxo Ikastola. Haur eta Lehen Hezkuntza. 427 ikasle aurten.
Telf.: 943 55 72 24.
- Inmakulada ikastetxea. Haurtzaindegitik, Bigarren Hezkuntzara. 250 ikasle aurten.
Telf.: 943 550 233.
- Hernani Institutua. Bigarren hezkun­tza. 824 ikasle aurten.
Telf.: 943 551 188.
- Langile ikastola. Haur eta Lehen Hezkuntza. 710 ikasle aurten.
Telf.: 943 555 423.
- Urumea ikastola. Haur eta Lehen Hezkuntza. 425 ikasle aurten.
Telf.: 943 550 472.

Ereñotzu
- Txirrita Eskola. Haur eta Lehen Hezkuntza. 73 ikasle aurten.
Telf.: 943 554 256.

Goizueta
- ‘Xalto’ Eskola. Haur eta Lehen Hezkuntza. 71 ikasle aurten.
Telf.: 948 514 005.