HERNANIKO Hirigune Historikoko etxebizitzen isolamendu akustikoa hobetu eta energia kontsumoa murrizteko helburuarekin, Udalak, Kaxkoko leihoak berritzeko diru laguntzak eskatzeko epea ireki du. Diruz lagunduko dira etxebizitzetan kanpoaldeko arotzia kristalduna (leihoak eta ate-leihoak) berritzea, betiere 2016, 2017 eta 2018 urteetan burutu badira, eta udalaren lizentziabaldin badute.
Inbertsioaren %25 lagunduko da eta gehienez 1.000 euro
Egindako inbertsioaren %25 lagunduko da gehienez eta onuradun eta etxebizitza bakoitzeko gehienezko 1.000 euroko diru-laguntza emango du Udalak. Leihoen kostuez gain, instalazio lanaren kostuak ere sar daitezke.
9.000 euroko partida dago horretarako gordeta. 2018ko abenduaren 31 arte eska daiteke edo aurrekontua amaitzen denean.
Nolanahi ere, bizilagunen dirulaguntza eskaera haundia egongo balitz, Hernaniko Udalak aurrekontua handitu dezake, baldintzak betetzen dituzten eskaera guztiak onartu ahal izateko.