Sariak pilatzen jarraitzen du Handia filmak, eta oraingoan, Feroz Sarietan jaso du errekonozimendua; Espainiako Zine Informatzaileen Elkartearen sarietan.
Lau izendapen jaso zituen Jon Garaño astigartarrak eta Aitor Arregik zuzendutako pelikulak, eta horietatik bitan eskuratu du saria: musika onena eta kartel onena. Iñaki Villuendasena da kartela, eta Pascal Gaignerena musika. Beste bi izendapenak, dramako film onenaren atalean eta trailer onenarenean jaso zituen Handiak.