Bi zita jarri ditu, datozen asteotarako, Astigarragako Gazte Asanbladak. Bihar bertan izango da aurrenekoa, mus txapelketa. Zipotza elkartean jokatuko dute, arratsaldeko 16:30etan hasita. Parte hartzeko, aurrez eman behar zen izena, eta atzo zen azkeneko eguna. Hala ere, apuntatu direnek, bihar bertan ordaindu beharko dute; bikoteko, 10 euro.
Pala Txapelketa Mixtoan apuntatzeko, astebete
Bigarren zita, otsailaren 17an izango da. Pala Txapelketa Mixtoa antolatu dute berriro, Txomiñene frontoian, arratsaldeko 16:00etatik aurrera.
Baina apuntatzeko, datorren igandera arte dago epea, otsailaren 4ra arte. Zipotzan eman behar da izena, eta momentuan ordaindu beharko da. Bikote bakoitzeko, 5 euro izango dira.