urtero bezala, ohi baino lehenago izanen dira aurten ere, Aranoko karnabalak. Otsailaren 3an ospatuko dituzte, gaur zortzi; orduan aterako dira puxka biltzera, herriko zomorroak.
Goizean goizetik, martxan
Goizetik hasi eta iluntzera arte luzatuko da festa giroa Aranon. 08:30etan jarri dute zita Suron, eta bertatik abiatuko dira zomorroak puxka biltzera, Izer eta Alabierrekin batera.
Ondoren, 15:00ak aldera, joanen dira bazkaltzera aurretik izena eman duten zomorroak. Horretarako, otsailaren 1era arte, datorren ostegunera arte izanen da aukera, Kontsejun bertan.
Arratsaldeko 18:00etan jarraituko du festak, zahagi dantzarekin.
Itsasoa, gai komuna
Iluntzean izanen da gaztetxoenen txanda, baita mozorroena ere. Itsasoa gai komuntzat hartuta, desfilea eginen dute 20:30etan. Eta bukatzeko, herri afaria izanen da 21:30etan, Andoni fenomenuak girotuta.