Donostiako Trueba zinemetan Goya sarien banaketa ekitaldia zuzenean ikusi ahal izango da larunbatean, 21:00etatik aurrera. Orduan jakingo da Jon Garaño astigartarrak eta Aitor Arregik zuzendutako Handia filmak jasotako 13 izendapenetatik zenbat lortzen dituen. Zuzeneko horrez gain, pelikulako lan-taldearekin ere zuzeneko konexioa egingo da Madrilera, eta zozketak eta photocalla ere izango dira. Sarrerak bi eurotan daude salgai, sadecine.com webgunean. Sari gehiago jaso ditu pelikulak; azkenekoak, astelehen gauean. Musika onenaren (Pascal Gaigne) eta gizonezko aktore berri onenaren (Eneko Sagardoy) sariak eman dizkio, Zinema Idazleen Espainiako Zirkuluak.