Liburutegiak antolatuta, idazketa sortzaile tailerra emango da lau larunbatetan, bihartik otsailaren 24ra bitartean, Biterin. Izenematea irekita egongo da gaur arte, edo lekua bukatu arte; 15 lagunek eman ahal izango baitute izena, gehienez. Oraindik lekua dago. Euskeraz idaztea gustuko duten 16 urtetik gorakoentzat zuzendutako saioak izango dira.
Yolanda Arrietak emango ditu saioak
Ikastaroa Yolanda Arrieta idazle eta literatura zaleak emango du, 10:30etatik 12:30etarako bi orduko lau saiotan: gaur, eta otsailaren 3, 17 eta 24an (10ean ez da saiorik izango, Inauteriak direla-eta).
Saio hauetako helburua, bereziki, idazketaren alde sortzailea lantzea izango da. Batetik, alde sortzaile hori lantzeko baliabideak erakutsiko dira era praktiko batean.
Era berean, idazteak sortzen duen izuari aurre egiteko joko dinamikoak landuko dira, sormen prozesuan sortzen den blokeoari aurre egiteko bideak ikasiko dira, eta euskeraz idazteari gustua hartzeko bideak jorratuko dira bakarkako nahiz taldeko dinamikak uztartuz.
Zazpi gai
Tailerrean landuko diren gaiak, berriz, zazpi izango dira: idatziz sortzeko bost giltzak; pertsonaiak eta narratzaileak; espazioa, denbora; gaiak eta abiapuntuak; egiturak; eta oroimena eta emozioa zentzuen bidetik.