Sahararren errefuxiatu kanpamenduetara janaria bidaltzeko XIV. Euskal Karabana kanpainak martxan jarraitzen du, eta laguntza gehiago lortzeko, egutegiak ere salgai jarri zituzten.
Baten bat nahi duenak udalarekin jarri behar du harremanetan marijo-m@hernani.eus helbidean, 943 33 68 02 telefonoan edo Aristizabal edo Plaza Feministako 7 zenbakian. Egutegiek zazpi euro balio dute.
Jakiak eta garbitasun gaiak, biltzen
Bestetik, janari bilketa ez da eten. Udal liburutegian, Biterin, eta herriko ikastetxeetan janari bilketarekin jarraitzen dute. Urtarrilaren 31era arte iraungo du bilketak gune hauetan.
Otsailaren 2an eta otsailaren 3an, goizez, Hernaniko supermerkatuetan ere jakiak eta garbitasun gaiak bilduko dira. Karroa bertan egongo da herritarrek utzi ditzaten; arroza, pastak, lekaleak, azukrea, sardinak oliotan, hegaluzea oliotan, baita konpresak ere. Otsailaren 24rako denak prest egon behar du.