Herri Eskolarako haundipena, lantzen

Herri Eskolarako Udala lantzen ari den haundipen proposamena klaustrora eta gurasoen elkarte eta komunitatera urri­aren amaieran aurkeztu zen. Aukera honek ezpon­da­­ren alboan dagoen Arrobitxulo Bidea gehi­tzen du Herri Esko­lako eremura. 
«Arrobitxuloko lursailaren eta bertako ezpondaren ezaugarriak kontuan izanda hiru solairuko aparteko eraikuntza berri bat egitea plantea­tzen du aukera honek. Hamabi gela berri izango lituzke eraikinak, 54 m2­koak, eta baita jolas espazio berriak ere; hain zu­zen ere, 500 m2ko jolastoki irekia eta 230 m2ko aterpe berria». 
«Irisgarritasun arazoak komunikazio-gune be­rria (igogailua, eskailerak eta pasarela publikoak) sortuz konponduko dira. Sarbide hauek Herri Esko­latik aparteko erabilera publikoa izango dute. Proposamen honek etorkizunean Herri Eskola haun­ditzea ahalbidetzen du, eta baita eraikuntzaren erabilera aldatzea ere. Merkeena izateaz gain, teknikoek hoberen baloratu duten proposamena da».