Hernaniko euskaltegietan matrikulatzeko epea oraindik ere zabalik dago. Urtarrilarekin batera zabaldu zuten, bai Hernaniko AEKn eta Udal Euskaltegian.
Udal Euskaltegian, berriz, ikasleek aukera izango dute, dagoeneko sortuta dauden taldeetan sartzeko. Horretarako, euskaltegian bertan galdetu dezakete, eta informazioa eskatu: Karobieta auzoa 63ko lokalera jo, 943 33 18 96 telefonora deitu, edo emaila idatzi, euskaltegi@hernani.eus.
AEKn, ateak zabaldu dizkiete, batetik, HABE azterketan izena emateko asmoa daukatenei, euskaltegian bertan daukatelako aukera, azterketa prestatzeko. Eta bestetik, baita euskera praktikatu eta hobetu nahi dutenei ere: «talde giro ezin hobea topatuko duzue, mintzapraktikarako aukera, eta Zilegi Eskoletan parte hartzeko parada», animatu dituzte ikasleak, apuntatzera.
Horretarako, hiru aukera daude: Hernaniko AEKren lokalera (Larramendi 11, behea) jo dezakete, telefonoz deitu 607 592 864 zenbakira, edo bidali mezua hernani@aek.eus helbide elektronikora.