Turismoa nola landu gaur aztergai, Biterin

Aurrera begira turismoa no­la landu zehazteko asmoz, eta tu­rismoko plan estrategikoa osatzeko helburuarekin, haus­narketa prozesua jarri du mar­­txan Hernaniko Udalak, turismoaren inguruan. 
Horretarako, hiru bilera deitu ditu Udalak, gaurtik aurrera, bakoitza sektore edo arlo jakin batzuetako herri­ta­rrei zuzenduta; Biterin egingo di­tuzte hiru bilerak. 
Aurreneko biak, gaur izan­go dira. 11:00etan, hasteko, tu­rismoaren sektorekoak di­ren edota lotura izan deza­keten en­­presa pribatuak deitu di­tuzte bilerara: aloja­men­duak, ja­tetxeak, tabernak...
Eta ondoren, 19:00etan ha­sita, herritarrekin egingo dute bilera. Intere­sa duten herritar guz­tiek edota herriko elkar­teek dute aukera, bertara azal­tzeko.

Ostegunean, 3garren bilera
Hirugarren bilera, ostegunean izango da, 18:00etan, sagar­do­aren sektorekoekin: Herna­ni­ko sa­gar­do­gileak eta sagar­do el­karteak deitu dituzte horre­tara.
Laugarren bilera bat ere izango da, urtarrilaren 29an, astele­henarekin, sektore pu­bli­­koarekin egingo dutena. Bilera horiek izango dira proze­suaren aurreneko pau­soa; diagnostikoa, hain justu ere.

Turismoa era iraunkorrean eraiki eta kudeatzeko tresnak eskaintzea, oinarri
2018ko aurreneko hilabeteotan burutuko dute turismoaren haus­narketa eta azterketa; eta turismoaren etorkizuna plan­teatzeaz haratago, «hori era iraunkorrean eraiki eta ku­deatzeko beharrezko tres­nak eskaintzea izango du oinarri».
Zentzu horretan, bost hel­buru nagusi markatu di­tuzte: eskaintza turisti­ko­aren kali­tatea hobetu eta aberastea; he­rriko biztanleriaren bizi ka­li­tatea zaindu eta hobetzea; bi­si­tari fluxua egoki kude­a­tzea, sektore publiko eta priba­tuen arteko koordi­na­zio­a­re­kin; ga­ra­pen ekono­miko eta so­­ziala, tokiko gara­penaren bi­dez; eta ingurumena eta ondarearen kon­tserbazioa, go­rai­­pamena eta hobekuntza.