Azken egunetan iragarritako aldaketak gaur jarriko ditu martxan Udalak, herri barruko autobus zerbitzuan. «Autobus urbanoaren erabilera aintzat hartuta» egingo ditu moldaketa hauek, «goizeko ordutegian ikastetxeetako sarrera orduak, medikuen txandak eta hiriarteko autobusekin loturak bermatu asmoz». Aurreko egunetan oharrak jarri ditu geltokietan.
Ordua aurreratu, eta autobus berri bat
Aldaketa bat ordutegian egin da. Orain arte 07:45etan eta 08:25etan ateratzen ziren autobusak bost minutu aurreratuko dira; 07:40etan aterako da Karabel-Etxeberri-Antziola-Atsegindegi-Txantxilla-Institutua egiten duena, eta 08:20etan, Atsegindegi-Etxeberri-Antziola-Atsegindegi-Txantxilla-Atsegindegi egiten duena.
Beste aldaketa da, 08:05etan Zikuñagatik aterako dela beste autobus bat, Zikuñaga-Etxeberri-Antziola-Atsegindegi-Txantxilla-Atsegindegi egiteko.
Bestalde, 2017 bukaeran proba moduan ibilbideetan egindako aldaketak finkatu egingo dira: 08:35-08:50, Atsegindegi-Etxeberri-Antziola-Zinkoenea-Portu, eta 08:50-09:02 Portu-Akarregi-Zinkoenea-Atsegindegi-Txantxilla-Atsegindegi.