Bertso eta pote artean, egingo al dute poto?

Aurtengoa hogeita laugarren edizioa du, aldiro Garin ta­ber­nan jokatzen den Tabernetako Bertsolarien Txapelketak, eta berezia izan da, aurreko ed­i­zioekin alderatuta. Izan ere, bi kanporaketa jokatu dira, gaurko finalaren aurretik. Giro bikaina jarri dute saio horietan, bai Hernaniko eta baita inguruko herrietatik etorritako bertsolariek.
Gaurko finalean, horietatik 15 ariko dira nor baino nor, afalondorenean, 22:00ak ingu­ruan hasita: Aiartza, Aiert, Aingeru, Alkorta, Andriu, Barrenetxea, Estitxu, Haritz, Iñigo, Mingo, Notayo, Oxan, Piquer, Tturko eta Xapo. Le­hia­rik ez da faltako, eta seguru Barrenetxeak saiakera egingo duela hirugarren txapela ere lortzeko, iaz bigarrena lortuta, baina ez diote erraz utziko.