Berriak elkartea, 25 urte betetzen

Urte berezia izango du aurtengoa Berriak elkarteak, 25 urte betetzen baititu. 

Hori horrela, Udalaren eta Berriak elkartearen arteko elkarlana sendotu eta urteu­rre­naren inguruan antola­tu­ta­ko ekintzen berri eman zuten atzo Luis Intxauspe Hernaniko alkateak, Mertxe Jimenez, Berriak elkarteko ordezkariak eta Maider Zu­laika, Beterriko merka­ta­ri­tza bulegoko teknikariak.

«Merkataritza, kontsumo eta bizi eredu baten adierazgarri», Berriak
Intxauspek azaldu zuen «ko­mer­tzio txikia Hernanin ga­rran­­tzitsua» dela, eta «horren oinarri da Berriak, Hernaniko Merkatari eta Ostalarien El­karteak ordezkatzen duena».

Hori horrela, Udalaren eta Berriaken arteko elkarlana azpimarratu zuen, Txotx Ma­ha­ian, Bakailao Astea an­to­­la­tzen, «herriko komertzioa sus­tatzeko elkarlanetik sor­tu­tako Hernani Txartela» bultzatzen...
Azken batean, adierazi zu­en «erreferente bat» dela Be­rri­ak elkartea, adierazten du­e­na­ga­tik. «Merkataritza, kon­tsu­mo eta bizi eredu baten adie­raz­ga­rri da: bertakoa, kon­fian­tzaz­koa, jasan­garria­goa, kalitatez­koa... Aberasta­sun lokala sor­tzen du. Her­na­nia­rrek sortu­ta­ko komer­tzio eredua da, eta her­na­niarren­tzat egiten du lan».

«Herri bizi baten alde», lanean
Berriakeko ordezka­ri­ak, Mer­txe Jimenezek, berriz, azal­du zuen nola aldatu den Her­nani, duela 25  urtetatik ho­na. «Ko­mertzio  gutxiago ze­­­goen or­du­an. Herri in­dus­tria­lagoa zen. Egun, be­rriz, zerbitzu gehiago dago».

Guztira, 200 bat komertzio dira, eta 94 bat dira elkarteko kide. Hori horrela, parte har­tze­ko deia luzatzeko ere apro­be­txatu zuten, Berriaketik. «He­rri bizi baten alde egiten du­gu lan, komertziorik gabe­ko herria, herri hila baita. Zen­tzu horretan, ahol­ku­la­ri­tza zerbitzua ematen diegu baz­kide guztiei, eta komertzio guz­tiei ahotsa ematen saia­tzen gara, bazkide direnen­tzat eta ez direnentzat onura­ga­rriak diren ekintzak anto­la­tzen». Azpimarratu zuen ateak zabalik dituztela, komertzio berriak hartzeko.

«Hernani Txartelarekin erosketa egiten den momentuan bertan aplikatzen da %3ko deskontua; %2koa, gasolindegian. Eta herriko beste zerbitzuetan erabiltzeko ere balio du»

Zozketak, urteurren festa eta Gabonetako argiak
Aipatutako ekintza horiei da­go­kienez, urte osoan zehar anto­latzen ditu Berriak el­kar­teak hainbat ekitaldi: Erre­ge­tako kabalgata, Inauterietako balkoi lehiaketa, Stock azoka, San Joanetako pultserak ate­ra­tzea, tabernen uztaileko ka­xuelita eskaintza, urriko Ba­kailao Astea edota azaroko Ostiral Beltza, besteak beste.

Baina 25garren urteurre­na­ren bueltan, gehiago ere izan­go dira. «Normalean arro­petan gehiago egiten di­tu­gunez, aurtengoan elika­ga­ien inguruko kanpaina egin­go dugu, bertan erosteagatik bezeroei eskerrak emateko, eta bazkideak indartzeko. Horrekin lotuta, sentsibi­li­zazio kanpaina eta elika­ga­ie­tan zozketak egin ditugu». 

Bestalde, urteurren festa ekainean egingo dutela au­rreratu zuten, baina ez zuten xehetasun gehiago eman nahi izan, oraingoz, sorpresa mantentzeko.

Azkenik, Gabonei begira ere, berrikuntzaren bat pres­ta­tzen ari dira. «Umeentzako parkea jartzeko aukera azter­tzen ari gara, eta Udalarekin adostu nahi dugu, Gabone­ta­ko argiak jartzea». Bestalde, Her­nani Txartela indartzen se­gitzeko asmoa ere azaldu zuten.  

Hernani Txartela, eskura
Azkenik, berria ez bada ere, Hernani Txartelaren garran­tzia azpimarratu nahi izan zuten. «Gipuzkoan aurrene­koa izan zen. Edozein kreditu txartel be­za­la erabili daiteke, kontu korrontea edozein ban­kutan edukita ere. Erosketan egiten diren momentuan bertan apli­ka­­tzen da %3ko des­kontua; %2koa gasolin­de­gi­an. Eta he­rri­ko beste zer­bi­tzu­etan era­bil­tze­ko ba­lio du: kiroldegian, libu­ru­te­gian... Agian ez dugu jakin adierazten zenbat abantaila di­tuen». Dendetan lortu daiteke.