Alkatearen Hitzetan-Luis Intxauspe Arozamena

Badator txotx garaia. Dato­zen as­te­etan Hernanin bi­si­tari asko ja­so­ko ditugu sagardoaren kul­tu­­ran murgiltzeko asmoz.
Garai honetan, Txotx Batzor­deak (sagardogileak, ostalariak, bizilagunak eta Udalak) hainbat zerbitzu indartzen ditu, bisita­riek egonaldia goza dezaten eta herritarren bizimoduan izan de­za­ke­en kaltea ahalik eta sa­mu­rre­na izan dadin. Garbi­ke­ta zer­bi­tzua in­dartzen da, komun pu­bli­ko ge­hiago jartzen dira kale­an; segurtasuna zaintzeko udal­tzain­go­a­ren zerbitzua handitzen da, lis­karrak, jokaera ez-egokiak eta sexu erasoak ahal den neurrian ekiditeko. Herriko autobus zerbitzua ugaritzen da sagardo­te­gietarako joan-etorriak egite­ko, baita taxien zerbitzua ere.
Aurten Hernaniko EH Bilduk lan­keta berezia egin du txotx ga­raiaren inguruan, eta alde posit­i­bo­ak eta hobetzekoak aztertu, ez­ta­baidatu eta neurri sorta propo­satu dituzte parte hartu dute­nek. Udalak aurten gauza­tuko ditu neu­rri hauetako ba­tzuk eta beste batzuk epe ertain-luzera landuko ditu. Berrikuntza nagusia Guda­ri­en Plazan udal­tzaingoaren informazio eta a­rre­ta puntua jartzea izango da. Larunbatero 18:00etatik 6:00eta­ra, karpa bat izango da, edozein arazo edo liskarren aurrean herritarrek zein bisitariek bertara jo dezaten: sexu erasoen zerbitzu­en inguruko informazioa, kon­tsu­mo ardura­tsuari buruzko esku-orriak, garraio publikoaren or­du­tegiak edo beste beharre­ta­rako gertuko arreta eskai­ni­ko di­tu guneak. Bestetik, gure herri­ra datozen bisitariei mezu argia eman nahi diegu: Hernanin gozatu eta arduraz jokatu, eta mezu hau presente izango da, formatu ezberdinetan, sagardotegietan, tabernetan, baita gure kaleetan ere.
Jakinik txotxaren errea­litateak ertz asko dituela, arlo positiboak indartu eta hobe daitezkeenak urtez urte lantzen jarraituko dugu, dena ez baitugu egun batetik bestera aldatuko.
Disfrutatu sagardoaz eta gure kulturaz!