Alkatearen Hitzetan-Zorione Etxezarraga Ortuondo

Urtero bezala, iritsi zaigu be­rriz ere txotx denboraldia Gaurtik aurrera, eta hiru hilabete luzez, 800.000 pertsona inguru hurbilduko zaizkigu Astiga­rragara gure sagardoa dastatzera, sagardotegietan bazkaltzera edo/eta afal­tzera eta, batez ere, sagardoaren kultura bizitzera. Hauxe da aukera ezinhobea gure herria muin-munetik ezagutzeko.
Aurten, gainera, 25garren Sa­gardo Berri Eguna ospatu dugu. Azken 25 urte hauetan sagardo­a­ren kultura etengabe bultza­tu da Astigarragan eta zoriontzekoa da herriko eragileek, bizilagunek eta ardura politikoa izan dute­nek sagardoa sustatzearen alde egindako lana, ondorioz Astiga­rra­gan sagardoak bizirik dirau.
Gorabeherak gorabehera, Sa­gar­do Berri Eguna lankidetza eta elkarlanaren eredu dela argi da­go, gure herri­ko izaeraren adie­razgarri ezinhobea.
Etengabeko lan honek, duela 25 urte Astigarragako ospakizuna zena Sagardoaren lurraldera zabaldu du. Azken 3 urtetan Her­nanik era Usurbilek ere parte hartu dute proiektu honetan. El­kar­lan horrek nazioartera eraman gaitu. Ildo horretatik, aipa­tze­koa da duela bi hilabete ospa­tu den II. Sagardo Forum jardu­nal­di teknikoa eta nazioarteko sagardo lehiaketa. Harrotasunez esan dezakegu nazioarteko en­tzu­tea hartzen ari dela gure bai euskal sagardoa eta bai Asti­garraga ere.
Betidanik landari lotutako lu­rra izan da gure herria eta, noski, sagardoa astigartarren nortasu­na­ren zati garrantzitua izan da. Hortaz, Sagardo Berri Eguna bizi­lagun guztion ospakizun bihur­tzeko asmoz, Txotx Berri Herri­koia antolatu du azken bi urteetan udal gobernuak Sagardo­e­txe­aren laguntza­re­kin Mur­gia Jaure­gian, gure herriko jai nagu­sienetakoa ez da­din izan soilik era­kunde eta sagardogileen ekitaldi ofiziala bai­zik eta herriko guztion ospaki­zuna. Astigartarrek egindako lan eta ekarpenik gabe, ezi­nezkoa izango bailitzateke gaur egun gure herria eta sagardoa nazioarteko panoraman koka­tzea.
Bukatzeko, udalak gure herrira gerturatzen direnei herriaz gozatu eta sagardotegietan errespetuz eta gizatas­u­nez jokatzeko eskatzen diete. Ezin­bestekoa da gure herritarren lasaitasu­na eta lo egiteko orduak ere errespe­tatzea. Sor dezagun giro ona eta sagardo­az goza dezagun, guztion artean sagarra eta sagardoaren kultura abe­ras­tu ditzagun.