Pelota partidurik ez da faltako asteburu honetan, Hernanin. Besteak beste, Euskal Ligako jaialdia izango da gaur, arratsaldeko 16:30etatik aurrera, kiroldegiko frontoian.
Hernanitik, bikote bakarra
Sei bikotek jokatuko dute gaurko euskal jaialdia, eta horietatik bakarra izango da hernaniarrena. Urkizu eta Labakak jokatuko dute herriaren ordezkari gisa, Gaztelekuko Eskudero eta Etxeberriaren aurka.
Etxekoenaren aurretik, beste bi norgehiagoka ere izango dira: aurrena, Oiarpeko Salaberria eta Etxeberriak, Amurrioko Gerrero eta Iriarteren kontra; eta ondoren, Muñozguren eta Uriondo (Lea Ibarra), Gelis eta Arangurenen (Zazpi Iturri) aurka.
Beste lau partidu gaztetxoenek, bihar
Ez dira, ordea, Hernanin jokatuko diren partidu bakarrak, beste lau izango baitira bihar. Gaztetxoen txanda izango da orduan, 10:30etatik aurrera. Alebinek jokatuko dituzte hiru partidu; eta azkenekoa, kadete-mailakoa izango da.