Partidu garrantzitsuak jokatuko dituzte pelotari hernaniarrek, asteburu honetan. Eta gaur bertan izango dituzte aurrenekoak. Batetik, Lezamako Torneoko finala jokatuko dute Paul Ojuelek eta Aitor Gorrotxategik, Zabala-Ruiz bikote errioxarraren kontra. Arratsaldeko 19:00etan izango da.
Eta gaur bertan, bestetik, semifinala jokatuko du Eneko Aizpitartek, Azketa zegamarrarekin bikotea osatuta, Herriaren Txapelketan. 19:30etan izango da, Aretan; eta aurrean, Albisturreko bikotea izango dute, Labaka eta Telletxea.
Hernanin ere izango da partidurik gaur. Arratsaldeko 19:30etan hasita, hiru partidu jokatuko dira; eta bakoitzean, bikote hernaniar bana: Artola eta Elizazu alebinak aurrena, eta Manterola-Deskarga eta Jara-Etxarri infantilak gero.