Kulturarteko hezkuntza elkarrekin bizitzeko gaia hartuta urteko aurreneko Hezkuntza Eskola izango da bihar, 19:00etan, Udaletxeko areto nagusian.
«Kulturarteko hezkuntza beharrezkoa dugu jatorrizkoak eta etorkinak elkarrekin bizitzeko»
Antolatzaileek argi dute inmigrazioa gai garrantzitsua bihurtzen ari dela «gure gizartean. Eskoletan ere ikasle etorkinekin landutako hezkuntzaz gero eta kezka gehiago sortzen ari da. Kulturarteko hezkuntza beharrezkoa dugu jatorrizkoak eta etorkinak elkarrekin bizitzeko».
Hezkuntza eskola honetan Amher elkartearekin gai hauen inguruko eztabaida sortu nahi da: «Zeintzuk dira ikasle etorkinak eskolatzearen inguruko arazo nagusiak?, Gure herriak zein harrera plana eskaintzen die ikasle etorkin etorri berriei? Europa mailan zein norabide hartzen ari dira?».
Galdera guzti horiei erantzuten saiatuko dira bihar udaletxean hezkuntza Plataformak antolatuta. Hilabetero gai bat hartu eta lantzen dira herritarren artean. Inmigrazioaren ingurukoak ikusmin haundia sortzen dute.