Garaipen garrantzitsua lortu zuen Mundarrok Hernaniren aurka azken jardunaldian. Bigarren itzuliko lehenengo partidua zen eta astigartarrak 2-0 irabazi zuten bizilagunen arteko derbian. Erregional Preferente mailako partidua zen Zarkumendegin jokatu zena eta garaipen honekin 9garren postuan indartu dira astigartarrak.
Urteko lehen hiru puntuak batu zituen Mundarrok aurreko asteko porrotaren ondoren. Gogotsu atera zen taldea, zelaian serio eta kokapen ona rekin. Hasiera txukun horren ondoren minuturik zailenak iritsi ziren, baina markagailuan berdinketa mantendu zuen. Taldeak lasaitzea lortu zuenean etorri zen etxekoen lehen gola Igorren erremate baten ondoren.
Bigarren zatian Hernanik eraman zuen jokoaren pisua, baina ez zuen aukera garbirik egiten. Mundarrok berriz kontraerasoan aukera garbiak sortu zituen eta horietako batean bigarren gola gauzatu zuen Gutik.