Aurreko postuetan ezin sartu, Batel Ligaren estreinakoan

Atzo abiatu zen Gipuzkoako Batel Liga, Trintxerpeko uretan; eta tartean izan ziren sei batel hernaniar, kategoria desberdinetan lehiatzen.
Ezin izan zuten, hala ere, aurreneko postuetan sartu, Batel Ligaren estreinako jardunaldian. Postu onena, mutil infantilek lortu zuten: bosgarren izan ziren, hamaika bate­len artean, 5:48 denborarekin; Tolosaldea irabazleak bai­no 25 segundu gehiago.
Neska absolutuak, berriz, sei­garren sailkatu ziren atzo, bederatzi bateletatik. Herna­nia­rrek 10:50 denbora egin zu­ten, San Juanek baino 30 segundu gehiago. Tolosaldea, Ur Kirolak, San Juan B eta Hi­baika ere izan zituen aurretik, atzoko estropadan.
Neska promesetan, Herna­niko bi batel aritu ziren, eta 15garren eta 17garren sailkatu ziren. Eta beste bi batel izan zituen Hernanik, mutil kadeteen kategorian: 11garren eta 17garren sailkatu ziren.