«Ohore bat izan da guretzat, lotura estua daukagulako Hernanirekin»

Sagardo berriarekin batera, Zaporeak proiektua izan zen atzoko protagonista nagusia. Proiektuko kideek herri­ta­rren berotasuna, Aitor Ruiz de Egi­noren eskultura, eta Luis Intxauspe alkatearen esker hitzak jaso zituzten, egiten ari diren lanagatik, bai Wu­kron, Angel Olaranekin elkar­lanean, eta baita Greziako erre­­fuxiatuekin ere.
Eta jasotako erreko­nozi­mendua eskertzeko, «ia hitzik gabe» geratu zirela onartu zuten Zaporeak proiektuko kideek: «ezustean harrapatu gintuen gonbiteak, eta ohore bat da Herna­niko txotx ire­kiera egitea, bereziki lotura estua dauka­gulako herria­re­kin. Angel Olaranekin hasi ginen eta jarraitzen dugu lanean, eta ezin dugu ahaztu hasiera hartan Hernaniko Udalak eman zigun babesa».
Eta nabarmendu zuten, beraiekin batera, errefuxiatu guztiak zeudela oholtza gai­nean: «bi urte daramazkigu beraiei jaten ematen, euren duintasunaren zati bat itzu­laraziz. Eta beraiengatik eta beraientzat jarraituko dugu lanean, elikadura duin bat izan dezaten. Baina hori po­si­ble bada, herriei eta herri­tarrei esker da. Beraz, bihotz bihotzez eskerrak denoi».