Valladoliden, VRACen zelai elurtuan jokatu zuen Hernanik urteko aurreneko partidua, aurreko asteburuan; eta Landareko lokatzetan izango dute gaur, 2018ko estreinakoa etxean. Estimatuko dute aldaketa trikoloreek, eta zaleen babesa bereziki, eguerdiko 12:00etan hasiko den partiduan: Bartzelona izango dute aurrean.
Ezusteko maila ematen ari dira kataluniarrak aurten, eta aurreko urteotan Hernanirekin lehian aritu badira, jaitsiera postuetatik ihes egiteko, bestelako borroka batean sartu dira denboraldi honetan: play offa jokatzeko postuetan daude, sailkapenean seigarren, justu Ordiziaren aurretik.
Denboraldiko bolada txarrenean dago Bartzelona, azkeneko lau partiduetatik hiru galduta; tartean, Getxo eta La Vilaren kontra.
Baina ezustekoak ezusteko, garaipen eta puntu beharrean daude trikoloreak, eta irabaztera aterako dira, Landareko zelaira. Gainera, denboraldiko bolada txarrenean dago Bartzelona, azkeneko lau partiduetatik hiru galduta; horietako bi, La Vila eta Getxoren kontra.
Hernaniarrek urruti daukate Getxo oraindik, 8 punturekin, azkeneko postuan; baina 19 punturekin berdinduta daukate La Vila, azkenaurreko postua saihesteko lehian.