Heldu da finala; eta horrekin bukaera emanen diote gaur Umore Ona Pilota Elkarteak antolatutako txapelketari. Goizeko 10:00etan hasiko dira finaleko lau partiduak, Goizuetako frontoian, eta bertan erabakiko da, nork jantziko duen maila bakoitzeko txapela.
Zortzitik, hiru
Lau mailetan arituko diren zortzi bikoteetatik, hiru dira Goizuetako elkartearen ordezkariak. Edo hobeto esanda, hiru mailetan txapelka janzteko aukera izanen dute goizuetarrek: Umeak edo benjaminetan; kimuak edo alebinetan; eta gazteak edo jubeniletan. Haurrak edo infantil mailan, aldiz, ez da izanen Umore Onako ordezkaririk aurten.
Dena dela, laguntasun giroa eta partidu interesgarriak ziurtatuta egonen dira gaurkoan.
FINALETAKO PARTIDUAK, GAUR:
1. Umeak-Benjaminak: Artetxe-Bidezabal (Ilumpe)/Apezetxea-Sagardui (Umore Ona).
2. Kimuak-Alebinak: Otaegi-Bidezabal (Ilumpe)/Legarreta-Elizegi (Umore Ona).
3. Haurrak-infantilak: Etxeberria-Goikoetxea (Eple)/Mikelarena-Apezetxea (Erreka).
4. Gazteak-Jubenilak: Zabala-Oliden (Zazpiturri-Añorga)/Aizkorbe-Apezetxea (Umore Ona).