Abenduan aurkeztu zuten aurtengo Euskal Herriko Mus Txapelketa prentsaurrean, eta bertan azaldu bezala, urtarrilaren 31ra arte luzatuko da aurreneko kanporaketen fasea. Fase honen barruan, bihar egingo da aurrenekoa Ereñotzun.
Irrintzi Taberna, jokaleku
Arratsaldeko 16:30etan emango zaio hasiera txapelketari, Irrintzi Tabernan. Orduan egingo dute zozketa, aurretik izena eman duten bikoteen artean txapelketari hasiera emateko. Izena ematerakoan, 20 euro ordaindu beharko dira, bikoteko.
Euskal Herriko Mus Txapelketan aurrera egiteko aukera emateaz gain, Fagollaga jatetxean bazkari bat irabaziko du garaileak.
Herrialdetako finalak, otsailaren 24an
Zazpi herrialdeetako kanporaketak izango dira bigarren faseko partidak; eta horiek otsailaren 24an jokatuko dira, aurrerago zehaztuko diren txokoetan.
Azkeneko fasea, aldiz, final haundiarena Lapurdiko Uztaritzen izango da aurtengoan, martxoaren 10ean.
Arautegia, webgunean
Partehartzaileek arauak argi izan ditzaten: www.euskalherrikomustxapelketa.org.