Urtea ekintzaz josita hasiko dute Hernaniko pelotariek, aurreko urtea bukatu zuten beza–laxe, eta horri hasiera emateko, hiru txapelketa berritan hartuko dute parte: Euskal Herrikoa, Gipuzkoako errendimenduzkoa, eta Udaberri txapelketa. Era berean, beste hainbat lehiekin jarraituko dute.
Horien artean dago gaur Hernanin bertan jokatuko dutena. Arratsaldeko 17:00etatik aurrera, Euskal Ligako bi partidu izango dira frontoian, seniorren artean: aurrenekoa, Paul Ojuel eta Eneko Aizpitarte izango ditu protagonista, Oiarpeko Ugalde anaien aurka; eta bigarrenean, Paz Zigandako Barbarejo eta Telletxea, Lea Ibarrako Uriona eta Uriondoren kontra.
Ibaizabalen, bihar
Beste zita garrantzitsu bat ere izango dute bihar, Ibaizabalen. Bertan hasiko baitute Euskal Herriko kluben arteko lehia, Tolosaren kontra. 17:30etan hasita, finalaurdenetan egongo dira hernaniarrak: Paul Ojuelek lau t’erdiko modalitatean jokatuko du; Markel Lizeagak banaka; eta Arrieta eta Aizpitartek, binaka. Lehia gogorra izango denez, bertaratzeko deia egin dute.