Herenegungo bigarren finalerdiaren ondoren jakin du Endika Barrenetxea hernaniarrak Javier Urriza egungo txapelduna izango duela aurrez aurre, gaurko Banakako Masterraren finalean.
Larunbatero bezalaxe, arratsaldeko 16:00etatik aurrera izango dute zita gaurkoan erremontezaleek, Galarreta Jai Alai frontoian.
Ohi bezala, lau partidu izango dira eta Banakako Masterrari dagokiona izango da bigarrena.
Urriza, faborito
Barrenetxea IVa tituluaren bila aterako bada ere, borrokatu egin beharko du, Urriza aurkari gogorra izango baita. Izan ere, bera da egungo txapelduna, eta titulu gehien dituena, 2013 eta 2014an ere, berak irabazi baitzuen. Eta Uterga izan zen garaile, ordea, 2016 eta 2015eko edizioetan.
Urrizak, aldiz, jakin badaki finalerdietan aurrez aurre izan zuen Ezkurra IIarekin konparatuta, guztiz desberdina dela hernaniarra: sakearekin min gehiago egiten du Barrenetxeak, eta pelotaldietan ere boteretsuagoa da Ezkurra baino.
Urrizak jakin badaki Barrenetxea IVak sakearekin min haundiagoa egin dezakeela Ezkurra IIak baino.
Beste hiru norgehiagoka, arratsaldea borobiltzeko
Baina hori ez da Galarretan izango den partidu bakarra, ohiko jardueraren barruan, beste hiru norgehigoka ere izango baitira: aurrena, Goikoetxea Vek eta Zalduak, Beñat eta Zubiren kontra jokatuko dute; finalaren ondoren, Uterga eta Agirrezabalagak, Matxin III eta Endikaren aurka lehiatuko dute; eta azkenik, hirugarren partidua izango da, Aldabe eta Azpiroz, Barricart eta Larrañagaren kontrakoa. yy