Kontrakantxa gaztetxean emango die bukaera, Pluralidad por Africa elkarteak, 2017 urteko ekintzei. Eta horretarako, festa antolatu dute iganderako; Urte Bukaerako Festa deitu dutena, hain justu.
Eguerdian hasi eta arratsaldera arte luzatuko dira ekintzak, 13:30etatik 18:00etara. Eta festa baten osagai guztiak izango dituzte: jatekoa, edatekoa, musika, dantza... Izan ere, bazkaria egingo dute aurrena, giro ederrean; eta gero, dantzaldia egingo dute bertan, musikak lagunduta.
Elkarteak jakinarazi duenez, ikusarazteko ekintza bat da, urteari itxiera emateko egingo duten hau. Sarrera doan izango da, eta herritar guztiei luzatu diete gonbitea, bertaratu eta ondo pasatzeko.
Garbiketa eta merienda, gaur
Igandeko festaren aurretik, hala ere, beste zita bat ere jarri dute Kontrakantxa gaztetxean. Garbiketa egiteko egin dute hitzordua gaur, arratsaldeko 17:00etan; eta ondoren, merienda egingo dute elkarrekin.