Gaur hasiko dira, urte berriko Jabetze Eskolen ikastaroak. Eta aurrenekoak, literatura du ardatz: Munduko emakumeen literatura: Amerikar kontinentea. Bertan, ezagutuko dituzte kontinente horretako emakumeen bizi-estrategiak eta estrategia sortzaileak: «haien proposamen irudimentsuek, geureak aberasten dituzte; haiek ezagutuz, geure burua hobeto ezagutuko dugu», azaldu dute.
Hiru saio izango dira, Mertxe Tranche Iparragirreren eskutik, gaztelaniaz: gaur, otsailaren 8an eta martxoaren 8an, arratsaldeko 18:30etatik 20:30etara, Plaza Feministan (Aristizabal kalea 7, behea).
Izena emateko, Plaza Feministara jo daiteke, 943 33 70 17 telefonora deitu, edo emaila bidali berdintasuna@hernani.eus helbide elektronikora. 12 euro dira, ikastaroa.
Hamar ikastaro, aukeran
Ikastaro horretan bakarrik ez, beste bederatzitan ere eman daiteke izena, dagoeneko. Horietako sei berriak dira: Adimen emozionala eta jabetzea, bihar hasiko dena; Emakumeak, janaria eta emozioak; Ziklikoki bizitzen: hilekoaren inguruko tailerra; Leokatik begirada; Eskalada tailerra; eta Konfidantza indartzeko bidea II: norbere ardatzetik jarduteko estrategiak.