Hernanitik 30 lagun irten ziren goi-tentsioaren aurkako martxan

Erraustegiaren aurkako Mugimenduak 30 lagun bildu zituen Hernanin, atzo, mendi-martxa egiteko. Zubietako erraustegiari zerbitzua emateko eraiki nahi duten goi-tentsioko linearen aurka antolatu zen eta bost zutabe irten ziren Buruntzaldeako herri desberdinetatik, horietako bat Hernanitik. Goizeko 10:30etan bildu ziren Gudarien Plazan eta 15 minutu beranduago abiatu ziren Azkortera, Buruntzapean. Behin hara iritsita, linearen ezau­garriei buruzko informazioa eman zen eta ondoren, Lasartera jaitsi ziren eta eguerdian, Okendo plazan, ekitaldi batean parte hartu zuten.