Abenduan eta urtarrilean zehar egin du elikagai bilketa, beste urte batez, Sahararen Aldeko Euskal Karabanak. Eta orain, bildutakoa ordenatzeko momentua iritsi zaie, elikagaiak kaxetan sartzekoa, gero hori guztia Saharara eraman ahal izateko.
Horretarako, gaur bertan jarri dute zita. Arratsaldeko 18:00etan elkartuko dira, Gabriel Zelaia eraikinean daukaten lokalean, Florida 28an; Lidl eta DIA inguruan, alegia.
Eta herritarrei luzatu diete deia, bertara azaldu eta laguntzeko: «jendea behar dugu!».