Urte berriarekin batera, martxan jarri ditu berriro estimulazio musikal goiztiarraren tailerrak, Kaxko elkarteak, Hernaniko Udalaren eta MusikHazi Gipuzkoako Musikoterapia Elkartearen laguntzarekin.
Gaur izango da aurreneko saioa, eta asteartero egingo dituzte tailerrak, goizez, Biteri kultur etxean. Ordubetekoak izango dira saioak, 10:45etan hasi, eta 11:45ak arte.
0-3 urteko haurrentzat, eta beraien gurasoentzat
Tailer horiekin, sendotu nahi dute haurren garapena, musikaren bitartez; eta baita gurasoekiko lotura afektiboa sustatu ere. Zehazki, 0-3 urte bitarteko haurrei, eta beraien gurasoei dago zuzenduta.
Izenematea doan, emailez edo telefonoz
Tailerretan parte hartzea doan da, eta nahi duten guztiei dago zuzenduta. Baina hori bai, parte hartzeko, aurrez eman behar da izena. Horretarako, bi bide jarri dituzte aukeran: info@musikhazi.com helbide elektronikora mezua bidali, edo deitu telefonoz 608 193 701 zenbakira.