Erronka zaila bezain garrantzitsua daukate aurretik Hernaniko mutilek, Ohorezko Mailako garaiezina izango dute aurrez aurre: VRAC Quesos Entrepinares. Eguerdiko 12:30etan hasiko da norgehiagoka, Valladoliden, Pepe Rojo zelaian.
Kopa Iberica irabazi berri
Liga hasi zenetik, ez du partidurik galdu VRAC Quesos Entrepinaresek, horregatik deitzen diote Ligako garaiezina. Gainera, egungo txapelduna da Ligan, eta Kopa Iberica irabazi berri du, beraz, indartuta izango dute kontrarioa hernaniarrek. Partidu zaila, dudarik gabe, bonusaren bila atera beharko dira behintzat Polidorirenak.
Bigarren bueltako bigarren partidua da hau, hasiera gogorra, beraz, Hernanik.