Pozik bukatu zuen urtea Markel Lizeaga hernaniarrak, Intxurreko Artolaren kontra Gipuzkoako Txapelketaren banakakoa irabazi eta Tolosako Beotibarren txapela jantzi baitzuen. Partidu erraza izan zuen hernaniarrak, eta halakoa izan zen emaitza: 22-2. CD Hernaniko pelotariek denboraldi honetan irabazitako bosgarren txapelka eskuratu zuen Lizeagak.
Arrietak galdu, Villabonan
Antxon Pebet Txapelketa jokatu zuen Ioritz Arrieta seniorrak Olaburuko Zezeagarekin batera, baina ezin izan zuten txapelik lortu. 22-11 galdu zuten finala Villabonan, Atzaparko Urbieta eta Pagazpeko Arangurenen kontra.